Surah Al Layl

رات کی قسم جب (دن کو ) چھپا لے ‏‏

اور دن کی قسم جب چمک اٹھے ‏

اور اس (ذات ) کی قسم جس نے نر اور مادہ پیدا کئے ‏

کہ تم لوگوں کی کوشش طرح طرح کی ہے

تو جس نے (خدا کے راستے میں مال ) دیا اور پرہیز گاری کی

اور نیک بات کو سچ جانا

اس کو ہم آسان طریقے کی توفیق دیں گے ‏

اور جس نے بخل کیا اور بےپروا رہا

اور نیک بات کو جھوٹ سمجھا

اسے سختی میں پہنچائیں گے ‏

اور جب وہ (دوزخ کے گڑھے میں ) گرے گا تو اس کا مال اس کے کچھ کام نہیں آسکے گا ‏‏

ہمیں تو راہ دکھا دینا ہے

اور آخرت اور دنیا ہماری ہی چیزیں ہیں

سو میں نے تم کو بھڑکتی آگ سے متنبہ کر دیا

اس میں وہی داخل ہوگا جو بڑا بدبخت ہے

جس نے جھٹلایا اور منہ پھیرا

اور جو بڑا پرہیزگار ہے وہ (اس سے ) بچا لیا جائے گا ‏ ‏

جو اپنا مال دیتا ہے تاکہ پاک ہو

اور (اس لئے ) نہیں (دیتا کہ ) اس پر کسی کا احسان (ہے ) جس کا وہ بدلا اتارتا ہے ‏

بلکہ اپنے خداوند اعلیٰ  کی رضامندی حاصل کرنے کے لئے دیتا ہے ‏

اور وہ عنقریب خوش ہو جائے گا ‏‏

***********

Visits wef Apr 2024