Surah Al Duha

آفتاب کی روشنی کی قسم ‏

اور رات کی (تاریکی کی ) جب چھا جائے

کہ (اے محمد صلی اللہ علیہ وسلم ) تمہارے پروردگار نے نہ تو تم کو چھوڑا اور نہ (تم سے ) ناراض ہوا ‏

اور آخرت تمہارے لئے پہلی (حالت یعنی دنیا) سے کہیں بہتر ہے ‏

اور تمہیں پروردگار عنقریب وہ کچھ عطا فرمائے گا کہ تم خوش ہو جاؤ گے

بھلا اس نے تمہیں یتیم پا کر جگہ نہیں دی

(بیشک دی )

اور راستے سے ناواقف دیکھا تو سیدھا راستہ دکھایا ‏

اور تنگدست پایا تو غنی کر دیا ‏

تو تم بھی یتیم پر ستم نہ کرنا

اور مانگنے والے کو جھڑکی نہ دیں ‏

اور اپنے پروردگار کی نعمتوں کا بیان کرتے رہنا ‏‏

***********

Visits wef Apr 2024