Surah Al Fajr

فجر کی قسم ‏

اور دس راتوں کی ‏‏

اور جفت اور طاق کی ‏

اور رات کی جب جانے لگے

(اور ) بیشک یہ چیزیں عقلمندوں کے نزدیک قسم کھانے کے لائق ہیں ‏

(کافروں کو ضرور عذاب ہو گا)

کیا تم نے نہیں دیکھا کہ تمہارے پروردگار نے عاد کے ساتھ کیا کیا ‏‏

(جو ) ارم (کہلاتے تھے اتنے ) دراز قد ‏

کہ تمام ملک میں ایسے پیدا نہیں ہوئے تھے ‏

اور ثمود کے ساتھ (کیا کیا) جو وادی (قریا ) میں پتھر تراشتے (اور گھر بناتے ) تھے ‏

اور فرعون کے ساتھ (کیا کیا) جو خیمے اور میخیں رکھتا تھا ‏

یہ لوگ ملکوں میں سرکش ہو رہے تھے ‏

اور ان میں بہت سی خرابیاں کرتے تھے ‏‏

تو تمہارے پروردگار نے ان پر عذاب کا کوڑا نازل کیا

بیشک تمہارا پروردگار تاک میں ہے

مگر انسان (عجیب مخلوق ہے کہ ) جب اس کا پروردگار اس کو آزماتا ہے کہ اسے عزت دیتا اور نعمت بخشتا ہے

تو کہتا ہے کہ (آہ ) میرے پروردگار نے مجھے عزت بخشی ‏

اور جب (دوسری طر ح ) آزماتا ہے کہ اس پر روزی تنگ کر دیتا ہے

تو کہتا ہے کہ (ہائے ) میرے پروردگار نے مجھے ذلیل کیا

نہیں ‏

اور نہ مسکین کو کھانا کھلانے کی ترغیب دیتے ہو ‏

اور نہ مسکین کو کھانا کھلانے کی ترغیب دیتے ہو ‏

اور میراث کے مال کو سمیٹ کر کھا جاتے ہو ‏‏

اور مال کو بہت ہی عزیز رکھتے ہو ‏

تو آج زمین کی بلندی کوٹ کوٹ کر پشت کر دی جائے گی ‏

اور تمہارا پروردگار (جلوہ فرما ہوگا) اور فرشتے قطار باندھ کر آ موجود ہوں گے ‏‏

اور دوزخ اس دن حاضر کی جائے گی

تو انسان اس دن متنبہ ہوگا مگر اب انتباہ (سے ) اسے فائدہ کہاں (مل سکے گا ) ‏ ‏

کہے گا کاش میں نے اپنی (جادوانی کے لیے ) کچھ بھیجا ہوتا

تو اس دن نہ کوئی خدا کے عذاب کی طرح کا (کسی کو ) عذاب دے گا ‏‏

اور نہ کوئی ویسا جکڑے گا ‏‏

اے اطمینان پانے والی روح! ‏

اپنے پروردگار کی طرف لوٹ چل تو اس سے راضی وہ تجھ سے راضی ‏

تو میرے (ممتاز ) بندوں میں داخل ہوجا

اور میری بہشت میں داخل ہو جا ‏ ‏

***********

Visits wef Apr 2024