Surah Al A'la

(اے پیغمبر صلی اللہ علیہ وسلم)

اپنے پروردگار جلیل الشان کے نام کی تسبیح کرو ‏

جس نے (انسان کو) بنایا پھر (اسکے اعضاء کو) درست کیا ‏

اور جس نے اس کا اندازہ ٹھیرایا (پھر اسکو) راستہ بتایا

اور جس نے چارہ اگایا ‏

پھر اس کو سیاہ رنگ کا کوڑا کر دیا ‏

ہم تمہیں پڑھائیں گے کہ تم فراموش نہ کر سکو گے ‏‏

مگر جو خدا چاہے

وہ کھلی بات کو بھی جانتا ہے اور چھپی کو بھی ‏‏

ہم تم کو آسان طریقے کی توفیق دیں گے ‏‏

سو جہاں تک نصحیت کے نافع (ہونے کی امید) ہو نصحیت کرتے رہو

جو خوف رکھتا ہے وہ تو نصیحت پکڑے گا ‏‏

اور (بے خوف) بد بخت پہلو تہی کرے گا ‏‏

جو (قیامت کو) بڑی (تیز) آگ میں داخل ہوگا ‏

پھر وہاں نہ مرے گا اور نہ جئے گا

بے شک وہ مراد کو پہنچ گیا جو پاک ہوا ‏‏

اور اپنے پروردگار کے نام کا ذکر کرتا رہا اور نماز پڑھتا رہا ‏‏

مگر تم لوگ دنیا کی زندگی کو اختیار کرتے ہو ‏‏

حالانکہ آخرت بہت بہتر اور پائندہ تر ہے ‏

یہی بات پہلے صحیفوں میں (مرقوم) ہے ‏

(یعنی) ابراہیم اور موسیٰ کے صحیفوں میں ‏ ‏

***********

Visits wef Apr 2024