Quran Urdu Translation

Surah Al Takwir

Translation by Fateh Muhammad Jalundhari

شروع اﷲ کے نام سے جو بڑا مہربان نہایت رحم والا (ہے)۔

جب سورج لپیٹ لیا جائے گا	1
اور جب تارے بےنور ہوجائیں گے ‏‏	2
اور جب پہاڑ چلائے جائیں گے ‏	3
اور جب بیاہنے والی اونٹنیاں بیکار ہو جائیں گی	4
اور جب وحشی جانور اکٹھے ہو جائیں گے	5
اور جب دریا آگ ہو جائیں گے ‏	6
اور جب روحیں (بدنوں) سے ملا دی جائیں گی ‏‏	7
اور جب اس لڑکی سے جو زندہ دفنا دی گئی ہو ‏‏	8
پوچھا جائے گا کہ وہ کس گناہ پر ماری گئی؟	9
اور جب (عملوں کے) دفتر کھولے جائیں گے ‏	10
اور جب آسمان کی کھال کھینچ لی جائے گی ‏‏	11
اور جب دوزخ (کی آگ) بھڑکائی جائے گی ‏‏	12
اور جب بہشت قریب لائی جائے گی ‏	13
تب ہر شخص معلوم کر لے گا کہ وہ کیا لے کر آیا ہے ‏‏	14
ہم کو ان ستاروں کی قسم جو پیچھے ہٹ جاتے ہیں	15
(اور) جو سیر کرتے اور غائب ہو جاتے ہیں ‏‏	16
اور رات کی قسم جب ختم ہونے لگتی ہے ‏‏	17
اور صبح کی قسم جب نمودار ہوتی ہے ‏‏	18
کہ بیشک یہ (قرآن) فرشتہ عالی مقام کی زبان کا پیغام ہے ‏‏	19
جو صاحب قوت مالک عرض کے ہاں اونچے درجے والا سردار ‏	20
(اور) امانتدار ہے	21
اور (مکے والو) تمہارے رفیق (یعنی محمد) دیوانے نہیں ہیں ‏	22
بے شک انہوں نے اس (فرشتے) کو (آسمان کے کھلے کنارے یعنی) مشرقی کنارے پر دیکھا ہے ‏ ‏‏	23
اور وہ پوشیدہ باتوں (کے ظاہر کرنے) میں بخیل نہیں ‏‏	24
اور یہ شیطان مردود کا کلام نہیں ‏‏	25
پھر تم کدھر جا رہے ہو؟ ‏	26
یہ تو جہان کے لوگوں کے لئے نصیحت ہے ‏‏	27
(یعنی) اس کیلئے جو تم میں سے سیدھی چال چلنا چاہے ‏	28
اور تم کچھ نہیں چاہ سکتے مگر وہی جو خدائے رب العالمین چاہے ‏ ***********	29

© Copy Rights:

Zahid Javed Rana, Abid Javed Rana,

Lahore, Pakistan

Visits wef Apr 2024