Quran Arabic with Urdu Translation

Surah Al Layl

Translation by Fateh Muhammad Jalundhari

• Previous
• Index
• Next

وَاللَّيْلِ إِذَا يَغْشَى

رات کی قسم جب (دن کو ) چھپا لے ‏‏

وَالنَّهَارِ إِذَا تَجَلَّى

اور دن کی قسم جب چمک اٹھے ‏

وَمَا خَلَقَ الذَّكَرَ وَالْأُنْثَى

اور اس (ذات ) کی قسم جس نے نر اور مادہ پیدا کئے ‏

إِنَّ سَعْيَكُمْ لَشَتَّى

کہ تم لوگوں کی کوشش طرح طرح کی ہے

فَأَمَّا مَنْ أَعْطَى وَاتَّقَى

تو جس نے (خدا کے راستے میں مال ) دیا اور پرہیز گاری کی

وَصَدَّقَ بِالْحُسْنَى

اور نیک بات کو سچ جانا

فَسَنُيَسِّرُهُ لِلْيُسْرَى

اس کو ہم آسان طریقے کی توفیق دیں گے ‏

وَأَمَّا مَنْ بَخِلَ وَاسْتَغْنَى

اور جس نے بخل کیا اور بےپروا رہا

وَكَذَّبَ بِالْحُسْنَى

اور نیک بات کو جھوٹ سمجھا

فَسَنُيَسِّرُهُ لِلْعُسْرَى 

اسے سختی میں پہنچائیں گے ‏

وَمَا يُغْنِي عَنْهُ مَالُهُ إِذَا تَرَدَّى

اور جب وہ (دوزخ کے گڑھے میں ) گرے گا تو اس کا مال اس کے کچھ کام نہیں آسکے گا ‏‏

إِنَّ عَلَيْنَا لَلْهُدَى

ہمیں تو راہ دکھا دینا ہے

وَإِنَّ لَنَا لَلْآخِرَةَ وَالْأُولَى

اور آخرت اور دنیا ہماری ہی چیزیں ہیں

فَأَنْذَرْتُكُمْ نَارًا تَلَظَّى

سو میں نے تم کو بھڑکتی آگ سے متنبہ کر دیا

لَا يَصْلَاهَا إِلَّا الْأَشْقَى

اس میں وہی داخل ہوگا جو بڑا بدبخت ہے

الَّذِي كَذَّبَ وَتَوَلَّى

جس نے جھٹلایا اور منہ پھیرا

وَسَيُجَنَّبُهَا الْأَتْقَى

اور جو بڑا پرہیزگار ہے وہ (اس سے ) بچا لیا جائے گا ‏ ‏

الَّذِي يُؤْتِي مَالَهُ يَتَزَكَّى

جو اپنا مال دیتا ہے تاکہ پاک ہو

وَمَا لِأَحَدٍ عِنْدَهُ مِنْ نِعْمَةٍ تُجْزَى

اور (اس لئے ) نہیں (دیتا کہ ) اس پر کسی کا احسان (ہے ) جس کا وہ بدلا اتارتا ہے ‏

إِلَّا ابْتِغَاءَ وَجْهِ رَبِّهِ الْأَعْلَى 

بلکہ اپنے خداوند اعلیٰ  کی رضامندی حاصل کرنے کے لئے دیتا ہے ‏

وَلَسَوْفَ يَرْضَى

اور وہ عنقریب خوش ہو جائے گا ‏‏

***********

Visits wef Apr 2024