Surah Al Adiyat

ان سرپٹ دوڑنے والے گھوڑوں کی قسم جو ہانپ اٹھتے ہیں

پھر (پتھروں پر نعل) مار کر آگ نکالتے ہیں

پھر صبح کو چھاپہ مارتے ہیں

پھر اس میں گرد اٹھاتے ہیں ‏

پھر اس وقت دشمن کی فوج میں جا گھستے ہیں

بے شک  انسان اپنے پروردگار کا احسان ناشناس (اور ناشکرا) ہے

اور وہ اس سے آگاہ بھی ہے ‏

وہ تو مال کی سخت محبت کرنے والا ہے ‏

کیا وہ اس وقت کو نہیں جانتا کہ جو (مردے) قبروں میں ہیں وہ باہر نکال لئے جائیں گے ‏

اور جو (بھید) دلوں میں ہیں وہ ظاہر کر دیئے جائیں گے

بے شک ان کا پروردگار اس روز ان سے خوب واقف ہوگا ‏

***********

Visits wef Apr 2024