Quran Urdu Translation

Surah Al Mursalat

Translation by Fateh Muhammad Jalundhari

شروع اﷲ کے نام سے جو بڑا مہربان نہایت رحم والا (ہے)۔

ہواؤں کی قسم جو نرم نرم چلتی ہیں ‏	1
پھر زور پکڑ کر جھکڑ ہو جاتی ہیں ‏‏	2
اور (بادلوں کو) پھاڑ کر پھیلا دیتی ہیں ‏‏	3
پھر ان کو پھاڑ کر جدا جدا کر دیتی ہیں	4
پھر فرشتوں کی قسم جو وحی لاتے ہیں ‏‏	5
تاکہ عذر (رفع) کر دیا جائے یا ڈر سنا دیا جائے ‏	6
کہ جس کا تم سے وعدہ کیا جاتا ہے وہ ہو کر رہے گی ‏‏‏	7
جب تاروں کی چمک جاتی رہے ‏	8
اور جب آسمان پھٹ جائے ‏‏	9
اور جب پہاڑ اڑے اڑے پھریں ‏	10
اور جب پیغمبر فراہم کئے جائیں ‏	11
بھلا ان امور میں تاخیر کس دن کے لئے کی گئی ‏	12
فیصلے کے دن کے لیے ‏	13
اور تمہیں کیا خبر کہ فیصلے کا دن کیا ہے؟ ‏‏	14
اس دن جھٹلانے والوں کے لیے خرابی ہے ‏‏	15
کیا ہم نے پہلے لوگوں کو ہلاک نہیں کر ڈالا ‏‏	16
پھر ان پچھلوں کو بھی انکے پیچھے بھیج دیتے ہیں ‏‏	17
ہم گنہگاروں کے ساتھ ایسا ہی کرتے ہیں ‏‏	18
اس دن جھٹلانے والوں کی خرابی ہے ‏‏	19
کیا ہم نے تم کو حقیر پانی سےنہیں پیدا کیا؟ ‏‏	20
(پہلے) اس کو ایک محفوظ جگہ میں رکھا ‏‏	21
ایک معین وقت تک ‏‏	22
پھر اندازہ مقرر کیا اور ہم کیا ہی خوب اندازہ مقرر کرنیوالے ہیں ‏‏	23
اس دن جھٹلانے والوں کی خرابی ہے ‏‏	24
کیا ہم نے زمین کو سمیٹنے والی نہیں بنایا؟ ‏	25
(یعنی) زندوں اور مردوں کو بنایا ‏‏	26
اور اس پر اونچے اونچے پہاڑ رکھ دئیے اور تم لوگوں کو میٹھا پانی پلایا ‏	27
اس دن جھٹلانے والوں کی خرابی ہے ‏‏	28
جس چیز کو تم جھٹلایا کرتے تھے اب اس کی طرف چلو ‏‏	29
(یعنی) اس سائے کی طرف چلو جس کی تین شاخیں ‏	30
نہ ٹھنڈی چھاؤں اور نہ لپٹ سے بچاؤ ‏‏	31
اس سے (آگ کی) اتنی اتنی بڑی چنگاری اڑتی ہیں جیسے محل ‏‏	32
گویا زرد رنگ کے اونٹ ہیں ‏‏	33
اس دن جھٹلانے والوں کی خرابی ہے ‏‏	34
یہ وہ دن ہے کہ (لوگ) لب تک نہ ہلا سکیں گے ‏‏	35
اور نہ ان کو اجازت دی جائے گی کہ عذر کر سکیں ‏‏	36
اس دن جھٹلانے والوں کی خرابی ہے ‏‏	37
یہی فیصلے کا دن ہے (جس میں) ہم نے تم کو اور پہلے لوگوں کو جمع کیا ہے ‏	38
اگر تم کو کوئی داؤ آتا ہو تو مجھ سے کر لو ‏‏	39
اس دن جھٹلانے والوں کی خرابی ہے ‏	40
اس دن جھٹلانے والوں کی خرابی ہے ‏	41
اور میوؤں میں جو ان کو مرغوب ہوں ‏‏	42
جو عمل کرتے رہے تھے ان کے بدلے میں مزے سے کھاؤ اور پیؤ‏‏	43
ہم نیکو کاروں کو ایسا ہی بدلا دیا کرتے ہیں ‏‏	44
اس دن جھٹلانے والوں کی خرابی ہے ‏‏	45
(اے جھٹلانے والوں) تم کسی قدر کھا لو اور فائدے (اٹھالو) تم بیشک گنہگار ہو ‏	46
اور جب ان سے کہا جاتا ہے کہ (خدا کے آگے) جھکو تو جھکتے نہیں	47
اس دن جھٹلانے والوں کی خرابی ہے ‏	48
اس دن جھٹلانے والوں کی خرابی ہوگی ‏	49
اب اسکے بعد یہ کون سی بات پر ایمان لائیں گے؟ ‏ ***********	50

© Copy Rights:

Zahid Javed Rana, Abid Javed Rana,

Lahore, Pakistan

Visits wef Apr 2024