Quran Urdu Translation

Surah Al Haqqah

Translation by Fateh Muhammad Jalundhari

شروع اﷲ کے نام سے جو بڑا مہربان نہایت رحم والا (ہے)۔

سچ مچ ہونےوالی	1
سچ مچ ہونےوالی کیا ہے ‏‏	2
اور تم کو کیا معلوم ہے کہ وہ سچ مچ ہونےوالی کیا ہے ‏‏‏	3
کھڑکھڑانے والی (جس) کو ثمود اور عاد (دونوں) نے جھٹلایا	4
سو ثمود تو کڑک سے ہلاک کردیے گئے	5
رہے عاد تو ان کا نہایت تیز آندھی سے ستیاناس کر دیا گیا‏	6
خدا نے اس کو سات رات اور آٹھ دن ان پر چلائے رکھا تو لوگوں کو اس میں (اس طرح) ڈہے (اور مرے) پڑے دیکھے جیسے کھجوروں کے کھوکھلے تنے ‏	7
بھلا تو ان میں سےکسی کو بھی باقی دیکھتا ہے؟ ‏	8
اور فرعون اور جو لوگ اس سے پہلے تھے اور وہ جو الٹی بستیوں میں رہتے تھے سب گناہ کے کام کرتے تھے ‏‏	9
انہوں نے اپنے پروردگار کے پیغمبر کی نافرمانی کی تو خدا نے بھی انکو بڑا سخت پکڑا ‏‏	10
جب پانی طغیانی پر آیا تو ہم نے تم (لوگوں) کو کشتی میں سوار کر لیا ‏	11
تاکہ اس کو تمہارے لئے یادگار بنائیں اور یاد رکھنے والے کان اسے یاد رکھیں ‏	12
تو جب صور میں ایک (بار) پھونک مار دی جائے گی ‏‏	13
اور زمین اور پہاڑ دونوں اٹھا لئے جائیں گے پھر ایک بارگی توڑپھوڑ کر برابر کردئیے جائیں گے ‏‏	14
تو اس روز ہو پڑنے والی (یعنی قیامت) ہو پڑے گی ‏	15
اور آسمان پھٹ جائے گا تو وہ اس دن کمزور ہو گا ‏‏	16
اور فرشتے اس کے کناروں پر اتر آ ئیں گے اور تمہارے پروردگار کے عرش کو اس روز آٹھ فرشتے اٹھائے ہوں گے ‏	17
اس روز تم (سب لوگوں کے سامنے) پیش کئے جاؤ گے اور تمہاری کوئی پوشیدہ بات چھپی نہ رہے گی ‏	18
تو جس کا (اعمال) نامہ اسکے داہنے ہاتھ میں دیا جائے گا وہ (دوسروں) سے کہے گا کہ لیجئے میرا نامہ (اعمال) پڑھیے	19
مجھے یقین تھا کہ مجھ کو میرا حساب (کتاب) ضرور ملے گا	20
پس وہ (شخص) من مانے عیش میں ہوگا ‏	21
پھر ہم ہی نے اس میں اناج اگایا ‏‏	22
جن کے میوے جھکے ہوئے ہوں گے ‏	23
جو (عمل) تم ایام گزشتہ میں آگے بھیج چکے ہو اس کے صلے میں مزے سے کھاؤ اور پیؤ ‏	24
اور جس کا نامہ (اعمال) اسکے بائیں ہاتھ میں دیا جائے گا وہ کہے گا اے کاش مجھ کو میرا (اعمال) نامہ نہ دیا جاتا‏	25
اور مجھے معلوم نہ ہوتا کہ میرا حساب کیا ہے؟ ‏‏	26
اے کاش موت (ابدالاآباد کیلئے میرا کام) تمام کرچکی ہوتی ‏	27
میرا مال میرے کچھ بھی کام نہ آیا۔ ‏	28
(ہا ئے) میری سلطنت خاک میں مل گئی ‏	29
(حکم ہوگا کہ) اسے پکڑ لو اور طوق پہنا دو ‏	30
پھر اسے دوزخ کی آگ میں جھونک دو ‏‏	31
پھر زنجیر سے جس کی ناب ستر گز ہے جکڑ دو ‏	32
یہ نہ تو خدائے جل شانہ پر ایمان لاتا تھا ‏‏	33
اور نہ فقیر کے کھانا کھلانے پر آمادہ کرتا تھا ۔ ‏‏	34
سو آج اس کا بھی یہاں کوئی دوست دار نہیں ‏	35
اور نہ پیپ کے سوا (اسکے لئے) کھانا ہے ‏‏	36
جس کو گناہ گاروں کے سوا کوئی نہیں کھائے ‏ گا ‏‏	37
تو ہم کو ان چیزوں کی قسم جو تم کو نظر آتی ہیں ‏‏	38
اور انکی جو نظر نہیں آتی ‏ ‏	39
کہ یہ (قرآن) فرشتہ عالی مقام کی زبان کا پیغام ہے ‏‏	40
اور یہ کسی شاعر کا کلام نہیں مگر تم لوگ بہت ہی کم ایمان لاتے ہو ‏‏	41
اور نہ کسی کاہن کے مزخرفات ہیں لیکن تم لوگ بہت کم فکر کرتے ہو ‏‏‏	42
(یہ تو) پروردگار عالم کا اتارا ہوا ہے ‏	43
اگر یہ پیغمبر ہماری نسبت کوئی بات جھوٹ بنا لائے ‏‏‏	44
تو ہم ان کا داہنا ہاتھ پکڑ لیتے ‏‏	45
پھر ان کی رگ گردن کاٹ ڈالتے ‏ ‏‏	46
پھر تم میں سے کوئی ہمیں اس سے روکنے والا نہ ہوتا ‏‏	47
اور یہ (کتا ب) تو پرہیزگاروں کے لیے نصیحت ہے ‏‏	48
اور ہم جانتے ہیں کہ تم میں سے بعض اس کو جھٹلاتے ہیں ‏‏	49
نیز یہ کافروں کے لئے (موجب) حسرت ہے ‏ ‏‏	50
اور کچھ نہیں کہ یہ برحق قابل یقین ہے۔ ‏	51
سو تم اپنے پروردگار عزوجل کے نام کی تنزیہہ (تسبیح) کرتے رہو۔ ‏ ***********	52

© Copy Rights:

Zahid Javed Rana, Abid Javed Rana,

Lahore, Pakistan

Visits wef Apr 2024