Surah Al Mumtahinah

مومنو! اگر تم میری راہ میں لڑنے اور میری خوشنودی طلب کرنے کے لئے (مکے سے) نکلے ہو تو میرے اور اپنے دشمنوں کو دوست مت بناؤ

تم تو انکو دوستی کے پیغام بھیجتے ہو اور وہ (دین) حق سے جو تمہارے پاس آیا ہے منکر ہیں۔

اور اس باعث سے کہ تم اپنے پروردگار خدائے تعالیٰ پر ایمان لائے ہو پیغمبر کو اور تم کو جلا وطن کرتے ہیں

اگر تم میری راہ میں جہاد کے لئے اور میری رضامندی کی طلب میں نکلتے ہو  (تو  ان سے دوستیاں نہ  کرو)

تم ان کی طرف پوشیدہ پوشیدہ دوستی کے پیغام بھیجتے ہو

جو کچھ تم مخفی طور پر اور جو علی الاعلان کرتے ہو وہ مجھے معلوم ہے۔

اور جو کوئی تم میں سے ایسا کرے گا وہ سیدھے راستے سے بھٹک گیا۔ ‏

اگر یہ کافر تم پر قدرت پالیں تو تمہارے دشمن ہو جائیں اور ایذا کے لئے تم پر ہاتھ (بھی) چلائیں اور زبانیں (بھی)

اور چاہتےہیں کہ تم کسی طرح کافر ہو جاؤ ‏

قیامت کے دن نہ تمہارے رشتے ناتے کام آئیں گے اور نہ اولاد۔(قیامت کے روز) وہی تم میں فیصلہ کرے گا

اور جو کچھ تم کرتے ہو خدا اس کو دیکھتا ہے ‏‏

تمہیں ابراہیم اور ان کے رفقاء کی نیک چال چلنی (ضرور) ہے جب انہوں نے اپنی قوم کے لوگوں سے کہا کہ

ہم تم سے اور ان (بتوں) سے جن کو تم خدا کے سوا پوجتے ہو بےتعلق ہیں

(اور) تمہارے (معبودوں کے کبھی) قائل نہیں (ہو سکتے)  اور جب تک تم خدائے واحد پر ایمان نہ لاؤ ہم میں تم میں ہمیشہ کھلم کھلی دشمنی رہے گی

ہاں ابراہیم نے اپنے باپ سے یہ (ضرور) کہا کہ میں آپ کے لئے مغفرت مانگوں گا اور میں خدا کے سامنے آپ کے بارے میں کسی چیز کا کچھ اختیار نہیں رکھتا۔

اے ہمارے پروردگار تجھ ہی پر ہمارا بھروسا ہے اور تیری ہی طرف رجوع کرتے ہیں اور تیرے ہی حضور میں (ہمیں) لوٹ جانا ہے ۔ ‏

اے ہمارے پروردگار ہم کو کافروں کے ہاتھ سے عذاب نہ دلانا اور اے پروردگار ہمارے ہمیں معاف فرما

بیشک تو غالب حکمت والا ہے

تم (مسلمانوں) کو یعنی جو کوئی خدا کے سامنے جانے اور روز آخرت (کے آنے) کی امید رکھتا ہو اسے ان لوگوں کی نیک چال چلنی  (ضرور)  ہے

اور جو روگردانی کرے تو خدا بھی بےپروا اور سزا وار حمد (وثنا) ہے ۔ ‏

عجب نہیں کہ خدا تم میں اور ان لوگوں میں جن سے تم دشمنی رکھتے ہو دوستی پیدا کر دے

اور خدا قادر ہے

اور خدا بخشنے والا مہربان ہے ‏

جن لوگوں نے تم سے دین کے بارے جنگ نہیں کی اور نہ تم کو تمہارے گھروں سے نکالا

ان کے ساتھ بھلائی اور انصاف کا سلوک کرنے سے خدا تم کو منع نہیں کرتا ‏‏

خدا تو انصاف کرنے والوں کو دوست رکھتا ہے ۔ ‏‏

خدا انہی لوگوں کے ساتھ تم کو دوستی کرنے سے منع کرتا ہے جنہوں نے تم سے دین کے بارے میں لڑائی کی

اور تم کو تمہارے گھروں سے نکالا۔ اور تمہارے نکالنے میں اوروں کی مدد کی۔

تو جو لوگ ایسوں سے دوستی کریں گے وہی ظالم ہیں ۔ ‏

مومنو جب تمہارے پاس مومن عورتیں وطن چھوڑ کر آئیں تو ان کی آزمائش کر لو۔

(اور) خدا تو ان کے ایمان کو خوب جانتا ہے

سو اگر تم کو معلوم ہو کہ مومن ہیں تو ان کو کفار کے پاس واپس نہ بھیجو

کہ نہ یہ ان کو حلال ہیں اور نہ وہ ان کو جائز۔

اور جو کچھ انہوں نے (ان پر) خرچ کیا ہو وہ ان کو دے دو

اور تم پر کچھ گناہ نہیں کہ ان عورتوں کو مہر دے کر ان سے نکاح کر لو

اور کافر عورتوں کی ناموس کو قبضے میں نہ رکھو (یعنی کفار کو واپس دے دو )

اور جو کچھ تم نے خرچ کیا ہو ان سے طلب کر لو اور جو کچھ انہوں نے (اپنی عورتوں پر) خرچ کیا ہو وہ تم سے طلب کرلیں

یہ خدا کا حکم ہے

جو تم میں فیصلہ کیے دیتا ہے اور خدا جاننے والا حکمت والا ہے ۔ ‏

اور اگر تمہاری عورتوں میں سے کوئی عورت تمہارے ہاتھ سے نکل کر کافروں کے پاس چلی جائے (اور اس کا مہر وصول نہ ہوا ہو)

پھر تم ان سے جنگ کرو (اور ان سے تم کو غنیمت ہاتھ لگے) تو جن کی عورتیں چلی گئی ہیں ان کو  (اسی مال میں سے) اتنا دے دو جتنا انہوں نے خرچ کیا تھا

اور خدا سے جس پر تم ایمان لائے ہو ڈرو ۔ ‏‏

اے پیغمبر ! جب تمہارے پاس مومن عورتیں اس بات پر بیعت کرنے کو آئیں کہ

خدا کے ساتھ نہ تو شرک کریں گی

اور نہ چوری کریں گی اور نہ بدکاری کریں گی

اور نہ اپنی اولاد کو قتل کریں گی

اور نہ اپنے ہاتھ پاؤں میں کوئی بہتان باندھ لائیں گی

اور نہ نیک کاموں میں تمہاری نافرمانی کریں گی

تو ان سے بیعت لے لو اور ان کے لئے خدا سے بخشش مانگو۔

بیشک خدا بخشنے والا مہربان ہے

مومنو ! ان لوگوں سے جن پر خدا غصہ ہوا ہے دوستی نہ کرو

(کیونکہ)  جس طرح کافروں کو مردوں  (کے جی اٹھنے)  کی امید نہیں اسی طرح ان لوگوں کو بھی آخرت (کے آنے) کی امید نہیں ۔

***********

Visits wef Apr 2024