Quran Arabic with Urdu Translation

Surah Al Infitar

Translation by Fateh Muhammad Jalundhari

• Previous
• Index
• Next

إِذَا السَّمَاءُ انْفَطَرَتْ

جب آسمان پھٹ جائے گا ‏‏

وَإِذَا الْكَوَاكِبُ انْتَثَرَتْ

اور جب تارے جھڑ پڑیں گے ‏‏

وَإِذَا الْبِحَارُ فُجِّرَتْ

اور جب دریا بہہ (کر ایک دوسرے سے مل) جائیں گے ‏

وَإِذَا الْقُبُورُ بُعْثِرَتْ

اور جب قبریں اکھیڑ دی جائیں گی ‏‏

عَلِمَتْ نَفْسٌ مَا قَدَّمَتْ وَأَخَّرَتْ

تب ہر شخص معلوم کرلے گا کہ اس نے آگے کیا بھیجا تھا اور پیچھے کیا چھوڑا تھا ‏‏

يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ

اے انسان! تجھ کو اپنے پروردگار کرم گستر کے بارے میں کس چیز نے دھوکا دیا؟ ‏

الَّذِي خَلَقَكَ فَسَوَّاكَ فَعَدَلَكَ

(وہی تو ہے) جس نے تجھے بنایا اور (تیرے اعضا کو) ٹھیک کیا اور (تیری قامت کو) معتدل رکھا ‏

فِي أَيِّ صُورَةٍ مَا شَاءَ رَكَّبَكَ

(اور) جس صورت میں چاہا تجھے جوڑ دیا ‏‏

كَلَّا بَلْ تُكَذِّبُونَ بِالدِّينِ

مگر ہیہات (افسوس) تم لوگ جزا کو جھٹلاتے ہو ‏‏

وَإِنَّ عَلَيْكُمْ لَحَافِظِينَ 

حالانکہ تم پر نگہبان مقرر ہیں ‏

كِرَامًا كَاتِبِينَ

عالی قدر (تمہاری باتوں کے) لکھنے والے ‏‏

يَعْلَمُونَ مَا تَفْعَلُونَ

جو کچھ تم کرتے ہو وہ اسے جانتے ہیں ‏‏

إِنَّ الْأَبْرَارَ لَفِي نَعِيمٍ

بے شک نیکوکار نعمتوں (کی بہشت) میں ہوں گے ‏

وَإِنَّ الْفُجَّارَ لَفِي جَحِيمٍ

اور بدکردار دوزخ میں ‏‏

يَصْلَوْنَهَا يَوْمَ الدِّينِ

(یعنی) جزا کے دن اس میں داخل ہوں گے ‏‏

وَمَا هُمْ عَنْهَا بِغَائِبِينَ

اور اس سے چھپ نہیں سکیں گے ‏‏

وَمَا أَدْرَاكَ مَا يَوْمُ الدِّينِ

اور تمہیں کیا معلوم کہ جزا کا دن کیسا ہے؟ ‏‏

ثُمَّ مَا أَدْرَاكَ مَا يَوْمُ الدِّينِ

پھر تمہیں کیا معلوم کہ جزا کا دن کیسا ہے؟ ‏‏

يَوْمَ لَا تَمْلِكُ نَفْسٌ لِنَفْسٍ شَيْئًا ۖ

جس روز کوئی کسی کا کچھ بھلا نہ کر سکے گا

وَالْأَمْرُ يَوْمَئِذٍ لِلَّهِ

اور حکم اس روز صرف خدا ہی کا ہوگا ‏‏

***********