Quran Arabic with Urdu Translation

Surah Al Shu'ara

Translation by Fateh Muhammad Jalundhari

شروع اﷲ کے نام سے جو بڑا مہربان نہایت رحم والا (ہے)۔

طسم طسم	1
تِلْكَ آيَاتُ الْكِتَابِ الْمُبِينِ یہ کتاب روشن کی آیتیں ہیں ‏	2
لَعَلَّكَ بَاخِعٌ نَفْسَكَ أَلَّا يَكُونُوا مُؤْمِنِينَ (اے پیغمبر) صلی اللہ علیہ وسلم شاید تم اس (رنج)سےکہ یہ لوگ ایمان نہیں لاتے اپنے تئیں ہلاک کر دو گے‏	3
‏إِنْ نَشَأْ نُنَزِّلْ عَلَيْهِمْ مِنَ السَّمَاءِ آيَةً اگر ہم چاہیں تو ان پر آسمان سے نشانی اتار دیں فَظَلَّتْ أَعْنَاقُهُمْ لَهَا خَاضِعِينَ پھر ان کی گردنیں اس کے آگے جھک جائیں ‏	4
وَمَا يَأْتِيهِمْ مِنْ ذِكْرٍ مِنَ الرَّحْمَنِ مُحْدَثٍ إِلَّا كَانُوا عَنْهُ مُعْرِضِينَ اور انکےپاس (خدائے) رحمٰن کی طرف سےکوئی نصیحت نہیں آتی مگر یہ اس سے منہ پھیر لیتے ہیں	5
فَقَدْ كَذَّبُوا فَسَيَأْتِيهِمْ أَنْبَاءُ مَا كَانُوا بِهِ يَسْتَهْزِئُونَ تو یہ جھٹلا چکے اب ان کو اس چیز کی حقیقت معلوم ہو گی جس کی ہنسی اڑاتے تھے ‏	6
أَوَلَمْ يَرَوْا إِلَى الْأَرْضِ كَمْ أَنْبَتْنَا فِيهَا مِنْ كُلِّ زَوْجٍ كَرِيمٍ کیا انہوں نے زمین کی طرف نہیں دیکھا کہ ہم نے اس میں ہر قسم کی کتنی نفیس چیزیں اگائی ہیں ‏	7
إِنَّ فِي ذَلِكَ لَآيَةً ۖ کچھ شک نہیں کہ اس میں (قدرت خدا کی) نشانی ہے وَمَا كَانَ أَكْثَرُهُمْ مُؤْمِنِينَ مگر یہ اکثر ایمان لانے والے نہیں ہیں ‏	8
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار غالب (اور) مہربان ہے ‏	9
وَإِذْ نَادَى رَبُّكَ مُوسَى أَنِ ائْتِ الْقَوْمَ الظَّالِمِينَ اور جب تمہارے پروردگار نے موسیٰ کو پکارا کہ ظالم لوگوں کے پاس جاؤ ‏	10
قَوْمَ فِرْعَوْنَ ۚ (یعنی) قوم فرعون کے پاس أَلَا يَتَّقُونَ کیا یہ ڈرتے نہیں؟ ‏	11
قَالَ رَبِّ إِنِّي أَخَافُ أَنْ يُكَذِّبُونِ انہوں نے کہا کہ میرے پروردگار میں ڈرتا ہوں کہ یہ مجھے جھوٹا سمجھیں ‏	12
وَيَضِيقُ صَدْرِي وَلَا يَنْطَلِقُ لِسَانِي اور میرا دل تنگ ہوتا ہے اور میری زبان رکتی ہے فَأَرْسِلْ إِلَى هَارُونَ تو ہارون کو حکم بھیج کے میرے ساتھ چلیں ‏	13
وَلَهُمْ عَلَيَّ ذَنْبٌ فَأَخَافُ أَنْ يَقْتُلُونِ اور ان کا مجھ پر ایک گناہ (یعنی قبطی کے خون کا دعوٰی بھی) ہے سو مجھے یہ ڈر ہے کہ مجھ کو مار ہی ڈالیں ‏	14
قَالَ كَلَّا ۖ فرمایا ہرگز نہیں فَاذْهَبَا بِآيَاتِنَا ۖ تم دونوں ہماری نشانیاں لے کر جاؤ إِنَّا مَعَكُمْ مُسْتَمِعُونَ ہم تمہارے ساتھ سننے والے ہیں ‏	15
فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ تو دونوں کے فرعون کے پاس جاؤ اور کہو کہ ہم تمام جہان کے مالک کے بھیجے ہوئے ہیں ‏	16
أَنْ أَرْسِلْ مَعَنَا بَنِي إِسْرَائِيلَ اور اس لئے آئے ہیں کہ آپ بنی اسرائیل کو ہمارے ساتھ جانے کی اجازت دیں ‏	17
قَالَ أَلَمْ نُرَبِّكَ فِينَا وَلِيدًا (فرعون نے موسیٰ سے) کہا کیا ہم نے تم کو کہ ابھی بچے پرورش نہیں کیا وَلَبِثْتَ فِينَا مِنْ عُمُرِكَ سِنِينَ اور تم نے برسوں ہمارے ہاں عمر بسر (نہیں) کی؟ ‏	18
وَفَعَلْتَ فَعْلَتَكَ الَّتِي فَعَلْتَ وَأَنْتَ مِنَ الْكَافِرِينَ اور تم نے ایک اور کام کیا تھا جو کیا تم ناشکرے معلوم ہو تے ہو ‏	19
قَالَ فَعَلْتُهَا إِذًا وَأَنَا مِنَ الضَّالِّينَ (موسیٰ نے) کہا کہ (ہاں) وہ حرکت مجھ سے ناگہاں سرزد ہوئی تھی اور میں خطاکاروں میں تھا ‏	20
فَفَرَرْتُ مِنْكُمْ لَمَّا خِفْتُكُمْ تو جب مجھے تم سے ڈر لگا تو میں تم میں سے بھاگ گیا فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ پھر خدا نے مجھے نبوت و علم بخشا اور مجھے پیغمبروں میں سے کیا ‏	21
وَتِلْكَ نِعْمَةٌ تَمُنُّهَا عَلَيَّ أَنْ عَبَّدْتَ بَنِي إِسْرَائِيلَ اور (کیا) یہی احسان ہے جو آپ مجھ پر رکھتے ہیں کہ آپ نے بنی اسرائیل کو غلام بنا رکھا ہے؟ ‏	22
قَالَ فِرْعَوْنُ وَمَا رَبُّ الْعَالَمِينَ فرعون نے کہا کہ تمام جہان کا مالک کیا؟ ‏	23
قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ کہا کہ آسمانوں اور زمین اور جو کچھ ان دونوں میں ہے سب کا مالک إِنْ كُنْتُمْ مُوقِنِينَ بشرطیکہ تم لوگوں کو یقین ہو ‏	24
قَالَ لِمَنْ حَوْلَهُ أَلَا تَسْتَمِعُونَ کہا، صاحب تمہارا، اور صاحب تمہارے اگلے باپ دادوں کا۔	25
قَالَ رَبُّكُمْ وَرَبُّ آبَائِكُمُ الْأَوَّلِينَ (موسیٰ نے کہا) کہ تمہارا اور تمہارے پہلے باپ دادا کا مالک ‏	26
قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ (فرعون نے) کہا کہ (یہ) پیغمبر جو تمہاری طرف بھیجا گیا ہے مجنون ہے ‏	27
قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ (موسیٰ نے) کہا کہ مشرق اور مغرب میں اور جو کچھ ان دونوں میں ہے سب کا مالک إِنْ كُنْتُمْ تَعْقِلُونَ بشرطیکہ تم کو سمجھ ہو ‏	28
قَالَ لَئِنِ اتَّخَذْتَ إِلَهًا غَيْرِي لَأَجْعَلَنَّكَ مِنَ الْمَسْجُونِينَ (فرعون نے) کہا کہ اگر تم نے میرے سوا کسی اور کو معبود بنایا تو میں تمہیں قید کر دوں گا ‏	29
قَالَ أَوَلَوْ جِئْتُكَ بِشَيْءٍ مُبِينٍ (موسیٰ نے) کہا خواہ میں آپ کے پاس روشن چیز لاؤں (یعنی معجزہ) ‏	30
قَالَ فَأْتِ بِهِ إِنْ كُنْتَ مِنَ الصَّادِقِينَ (فرعون نے) کہا اگر سچے ہو تو اسے لاؤ (دکھاؤ ) ‏	31
فَأَلْقَى عَصَاهُ فَإِذَا هِيَ ثُعْبَانٌ مُبِينٌ پس انہوں نے اپنی لاٹھی ڈالی دی تو وہ اس وقت صریح اژدہا بن گئی ‏	32
وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ اور اپنا ہاتھ جو نکالا تو اسی دم دیکھنے والوں کے لیے سفید (براق نظر آنے لگا) ‏	33
قَالَ لِلْمَلَإِ حَوْلَهُ إِنَّ هَذَا لَسَاحِرٌ عَلِيمٌ (فرعون نے) اپنے گرد کے سرداروں سے کہا کہ یہ تو کامل فن جادوگر ہے ‏	34
يُرِيدُ أَنْ يُخْرِجَكُمْ مِنْ أَرْضِكُمْ بِسِحْرِهِ فَمَاذَا تَأْمُرُونَ چاہتا ہے کہ تم کو اپنے جادو (کے زور) سے تمہارے ملک سے نکال دے تو تمہارے کیا رائے ہے؟ ‏	35
قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ انہوں نے کہا کہ اسکے اور اسکے بھائی (کے بارے) میں کچھ توقف کیجئے اور شہروں میں نقیب بھیج دیجئے ‏	36
يَأْتُوكَ بِكُلِّ سَحَّارٍ عَلِيمٍ کہ سب ماہر جادوگروں (کو جمع کر کے) آپ کے پاس لے آئیں ‏	37
فَجُمِعَ السَّحَرَةُ لِمِيقَاتِ يَوْمٍ مَعْلُومٍ تو جادوگر ایک مقرر دن کی میعاد پر جمع ہوگئے ‏	38
وَقِيلَ لِلنَّاسِ هَلْ أَنْتُمْ مُجْتَمِعُونَ اور لوگوں سے کہدیا گیا کہ تم (سب) کو اکٹھے ہو جانا چاہیے ‏	39
لَعَلَّنَا نَتَّبِعُ السَّحَرَةَ إِنْ كَانُوا هُمُ الْغَالِبِينَ تاکہ اگر جادوگر غالب رہیں تو ہم ان کے پیرو ہو جائیں ‏	40
فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِنْ كُنَّا نَحْنُ الْغَالِبِينَ جب جادوگر آگئے تو فرعون سے کہنے لگے کہ اگر ہم غالب رہے تو ہمیں صلہ بھی عطا ہوگا؟ ‏	41
قَالَ نَعَمْ وَإِنَّكُمْ إِذًا لَمِنَ الْمُقَرَّبِينَ فرعون نے کہا ہاں اور تم مقربوں میں بھی داخل کر لیے جاؤ گے ‏	42
قَالَ لَهُمْ مُوسَى أَلْقُوا مَا أَنْتُمْ مُلْقُونَ موسیٰ نے ان سے کہا کہ جو چیز ڈالنی چاہتے ہو ڈالو ‏	43
فَأَلْقَوْا حِبَالَهُمْ وَعِصِيَّهُمْ تو انہوں نے اپنی رسیاں اور لاٹھیاں ڈالی وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ اور کہنے لگے کہ فرعون کے اقبال کی قسم ہم ضرور غالب رہیں گے ‏	44
فَأَلْقَى مُوسَى عَصَاهُ فَإِذَا هِيَ تَلْقَفُ مَا يَأْفِكُونَ پھر موسیٰ نے اپنی لاٹھی ڈالی تو وہ ان چیزوں کو جو جادوگروں نے بنائی تھیں نگلنے لگی ‏	45
فَأُلْقِيَ السَّحَرَةُ سَاجِدِينَ تب جادوگر سجدے میں گر پڑے ‏	46
قَالُوا آمَنَّا بِرَبِّ الْعَالَمِينَ (اور) کہنے لگے کہ ہم تمام جہان کے مالک پر ایمان لائے ‏	47
رَبِّ مُوسَى وَهَارُونَ جو موسیٰ اور ہارون کا مالک ہے ‏	48
قَالَ آمَنْتُمْ لَهُ قَبْلَ أَنْ آذَنَ لَكُمْ ۖ (فرعون نے) کہا کیا اس سے پہلے کہ میں تم کو اجازت دوں تم اس پر ایمان لے آئے إِنَّهُ لَكَبِيرُكُمُ الَّذِي عَلَّمَكُمُ السِّحْرَ بیشک یہ تمہارا بڑا ہے جس نے تم کو جادو سکھایا ہے فَلَسَوْفَ تَعْلَمُونَ ۚ سو عنقریب تم (اس کا انجام) معلوم کر لو گے کہ لَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ أَجْمَعِينَ میں تمہارے ہاتھ اور پاؤں اطراف مخالف سے کٹوا دوں گا اور تم سب کو سولی پر چڑھا دوں گا ‏	49
قَالُوا لَا ضَيْرَ ۖ انہوں نے کہا کچھ نقصان (کہ بات) نہیں إِنَّا إِلَى رَبِّنَا مُنْقَلِبُونَ ہم اپنے پروردگار کی طرف لوٹ کر جانے والے ہیں ‏	50
إِنَّا نَطْمَعُ أَنْ يَغْفِرَ لَنَا رَبُّنَا خَطَايَانَا أَنْ كُنَّا أَوَّلَ الْمُؤْمِنِينَ ہمیں امید ہے کہ ہمارا پروردگار ہمارے گناہ بخش دے گا اس لئے کہ ہم اول ایمان لانے والوں میں ہیں‏	51
وَأَوْحَيْنَا إِلَى مُوسَى أَنْ أَسْرِ بِعِبَادِي إِنَّكُمْ مُتَّبَعُونَ اور ہم نے موسیٰ کی طرف وحی بھیجی کہ ہمارے بندوں کو رات کو لے نکلو کہ (فرعون کی طرف سے) تمہارا تعاقب کیا جائے گا ‏	52
فَأَرْسَلَ فِرْعَوْنُ فِي الْمَدَائِنِ حَاشِرِينَ تو فرعونیوں نے شہروں میں نقیب روانہ کئے ‏	53
إِنَّ هَؤُلَاءِ لَشِرْذِمَةٌ قَلِيلُونَ (اور کہ) کہ یہ لوگ تھوڑی سی جماعت ہے ‏	54
وَإِنَّهُمْ لَنَا لَغَائِظُونَ اور یہ ہمیں غصہ دلا رہے ہیں ‏	55
وَإِنَّا لَجَمِيعٌ حَاذِرُونَ اور ہم سب با سازوسامان ہیں ‏	56
فَأَخْرَجْنَاهُمْ مِنْ جَنَّاتٍ وَعُيُونٍ تو ہم نے ان کو باغوں اور چشموں سے نکال دیا ‏	57
وَكُنُوزٍ وَمَقَامٍ كَرِيمٍ اور خزانوں اور نفیس مکانات سے ‏	58
كَذَلِكَ وَأَوْرَثْنَاهَا بَنِي إِسْرَائِيلَ (ان کے ساتھ ہم نے) اس طرح (کی) اور ان چیزوں کا وارث بنی اسرائیل کو کر دیا ‏	59
فَأَتْبَعُوهُمْ مُشْرِقِينَ تو انہوں نے سورج نکلتے ہی (یعنی صبح کو) انکا تعاقب کیا ‏	60
فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ جب دونوں جماعتیں آمنے سامنے ہوئیں تو موسیٰ کے ساتھی کہنے لگے کہ ہم تو پکڑ لئے گئے ‏	61
قَالَ كَلَّا ۖ (موسیٰ نے) کہا ہرگز نہیں إِنَّ مَعِيَ رَبِّي سَيَهْدِينِ میرا پروردگار میرے ساتھ ہے وہ مجھے راستہ بتائے گا ‏	62
فَأَوْحَيْنَا إِلَى مُوسَى أَنِ اضْرِبْ بِعَصَاكَ الْبَحْرَ ۖ اس وقت ہم نے موسیٰ کی طرف وحی بھیجی کہ اپنی لاٹھی دریا پر مارو فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيمِ تو دریا پھٹ گیا اور ہر ایک ٹکڑا (یوں) ہو گیا (کہ) گویا بڑا پہاڑ (ہے) ‏	63
وَأَزْلَفْنَا ثَمَّ الْآخَرِينَ اور دوسروں کو وہاں ہم نے قریب کر دیا ‏	64
وَأَنْجَيْنَا مُوسَى وَمَنْ مَعَهُ أَجْمَعِينَ اور موسیٰ اور ان کے سب ساتھ والوں کو تو بچا لیا ‏	65
ثُمَّ أَغْرَقْنَا الْآخَرِينَ پھر دوسروں کو ڈبو دیا ‏	66
إِنَّ فِي ذَلِكَ لَآيَةً ۖ بیشک اس (قصے) میں نشانی ہے وَمَا كَانَ أَكْثَرُهُمْ مُؤْمِنِينَ لیکن یہ اکثر ایمان لانے والے نہیں ‏	67
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب (اور) مہربان ہے ‏	68
وَاتْلُ عَلَيْهِمْ نَبَأَ إِبْرَاهِيمَ اور ان کو ابراہیم کا حال پڑھ کر سنا دو ‏	69
إِذْ قَالَ لِأَبِيهِ وَقَوْمِهِ مَا تَعْبُدُونَ جب انہوں نے اپنے باپ اور اپنی قوم کے لوگوں سے کہا کہ تم کس چیز کو پوجتے ہو؟ ‏	70
قَالُوا نَعْبُدُ أَصْنَامًا فَنَظَلُّ لَهَا عَاكِفِينَ وہ کہنے لگے ہم بتوں کو پوجتے ہیں اور ان کی پوجا پر قائم ہیں ‏	71
قَالَ هَلْ يَسْمَعُونَكُمْ إِذْ تَدْعُونَ ابراہیم نے کہا کہ جب تم انکو پکارتے ہو تو کیا وہ تمہاری آواز سنتے ہیں؟ ‏	72
أَوْ يَنْفَعُونَكُمْ أَوْ يَضُرُّونَ یا تمہیں کچھ فائدے دے سکتے ہیں یا نقصان پہنچا سکتے ہیں؟ ‏	73
قَالُوا بَلْ وَجَدْنَا آبَاءَنَا كَذَلِكَ يَفْعَلُونَ انہوں نے کہا (نہیں) بلکہ ہم نے اپنے باپ دادا کو اسی طرح کرتے دیکھا ہے ‏	74
قَالَ أَفَرَأَيْتُمْ مَا كُنْتُمْ تَعْبُدُونَ ابراہیم نے کہا کہ تم نے دیکھا کہ جن کو تم پوجتے رہے ہو ‏	75
أَنْتُمْ وَآبَاؤُكُمُ الْأَقْدَمُونَ تم بھی اور تمہارے اگلے باپ دادا بھی ‏	76
فَإِنَّهُمْ عَدُوٌّ لِي إِلَّا رَبَّ الْعَالَمِينَ وہ میرے دشمن ہیں؟ مگر خدائے رب العالمین (میرا دوست ہے ) ‏	77
الَّذِي خَلَقَنِي فَهُوَ يَهْدِينِ جس نے مجھے پیدا کیا ہے وہی مجھے راستہ دکھاتا ہے ‏	78
وَالَّذِي هُوَ يُطْعِمُنِي وَيَسْقِينِ اور وہ جو مجھے کھلاتا پلاتا ہے ‏	79
وَإِذَا مَرِضْتُ فَهُوَ يَشْفِينِ اور جب میں بیمار پڑتا ہوں تو مجھے شفا بخشتا ہے ‏	80
وَالَّذِي يُمِيتُنِي ثُمَّ يُحْيِينِ اور وہ جو مجھے مارے گا اور پھر زندہ کرے گا ‏	81
وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ اور وہ جس سے میں امید رکھتا ہوں کہ قیامت کے دن میرے گناہ بخشے گا ‏	82
رَبِّ هَبْ لِي حُكْمًا وَأَلْحِقْنِي بِالصَّالِحِينَ اے پروردگار مجھے علم و دانش عطا فرما اور نیکو کاروں میں شامل کر ‏	83
وَاجْعَلْ لِي لِسَانَ صِدْقٍ فِي الْآخِرِينَ اور پچھلے لوگوں میں میرا ذکر نیک (جاری) کر ‏	84
وَاجْعَلْنِي مِنْ وَرَثَةِ جَنَّةِ النَّعِيمِ اور مجھے نعمت کی بہشت کے وارثوں میں کر ‏	85
وَاغْفِرْ لِأَبِي إِنَّهُ كَانَ مِنَ الضَّالِّينَ اور میرے باپ کو بخش دے کہ وہ گمراہوں میں سے ہے ‏	86
وَلَا تُخْزِنِي يَوْمَ يُبْعَثُونَ اور جس دن لوگ اٹھا کھڑے کئے جائین گے مجھے رسوا نہ کی جیئو ‏	87
يَوْمَ لَا يَنْفَعُ مَالٌ وَلَا بَنُونَ جس دن نہ مال ہی کچھ فائدہ دے سکے گا اور نہ بیٹے ‏	88
إِلَّا مَنْ أَتَى اللَّهَ بِقَلْبٍ سَلِيمٍ ہاں جو شخص خدا کے پاس پاک دل لے کر آیا (وہ بچ جائے گا ) ‏	89
وَأُزْلِفَتِ الْجَنَّةُ لِلْمُتَّقِينَ اور بہشت پرہیزگاروں کے قریب کر دی جائے گی ‏	90
وَبُرِّزَتِ الْجَحِيمُ لِلْغَاوِينَ اور دوزخ گمراہوں کے سامنے لائی جائے گی ‏	91
وَقِيلَ لَهُمْ أَيْنَ مَا كُنْتُمْ تَعْبُدُونَ اور ان سے کہا جائے گا کہ جن کو تم پوجتے تھے وہ کہاں ہیں؟ ‏	92
مِنْ دُونِ اللَّهِ هَلْ يَنْصُرُونَكُمْ أَوْ يَنْتَصِرُونَ یعنی جن کو خدا کے سوا (پوجتے) تھے کیا وہ تمہاری مدد کرسکتے ہیں؟ یا خود بدلہ لے سکتے ہیں؟ ‏	93
فَكُبْكِبُوا فِيهَا هُمْ وَالْغَاوُونَ تو وہ اور گمراہ (یعنی بت اور بت پرست) اوندھے منہ دوزخ میں ڈال دئیے جائیں گے ‏	94
وَجُنُودُ إِبْلِيسَ أَجْمَعُونَ اور شیطان کے لشکر سب کے سب (داخل جہنم ہوں گے) ‏	95
قَالُوا وَهُمْ فِيهَا يَخْتَصِمُونَ (وہاں) وہ آپس میں جھگڑیں گے اور کہیں گے ‏	96
تَاللَّهِ إِنْ كُنَّا لَفِي ضَلَالٍ مُبِينٍ کہ خدا کی قسم ہم تو صریح گمراہی میں تھے ‏	97
إِذْ نُسَوِّيكُمْ بِرَبِّ الْعَالَمِينَ جبکہ تمہیں (خدائے) رب العالمین کے برابر ٹھہراتے تھے ‏	98
وَمَا أَضَلَّنَا إِلَّا الْمُجْرِمُونَ اور ہم کو ان گنہگاروں نے گمراہ کیا تھا ‏	99
فَمَا لَنَا مِنْ شَافِعِينَ تو (آج) نہ کوئی ہمارا سفارش کرنے والا ہے ‏	100
وَلَا صَدِيقٍ حَمِيمٍ اور نہ گرم جوش دوست ‏	101
فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ کاش ہمیں (دنیا میں) پھر جانا ہو تو ہم مومنوں میں ہو جائیں ‏	102
إِنَّ فِي ذَلِكَ لَآيَةً ۖ بےشک اس میں نشانی ہے وَمَا كَانَ أَكْثَرُهُمْ مُؤْمِنِينَ اور ان میں اکثر ایمان لانے والے نہیں ‏	103
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب اور مہربان ہے ‏	104
كَذَّبَتْ قَوْمُ نُوحٍ الْمُرْسَلِينَ تو قوم نوح نے بھی پیغمبروں کو جھٹلایا ‏	105
إِذْ قَالَ لَهُمْ أَخُوهُمْ نُوحٌ أَلَا تَتَّقُونَ جب ان سے ان کے بھائی نوح نے کہا کہ تم ڈرتے کیوں نہیں؟ ‏	106
إِنِّي لَكُمْ رَسُولٌ أَمِينٌ میں تو تمہارا امانتدار پیغمبر ہوں ‏	107
فَاتَّقُوا اللَّهَ وَأَطِيعُونِ تو خدا سے ڈرو اور میرا کہا مانو ‏	108
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ اور میں اس کام کا تم سے صلہ نہیں مانگتا میرا صلہ تو رب العالمین ہی پر ہے ‏	109
فَاتَّقُوا اللَّهَ وَأَطِيعُونِ تو خدا سے ڈرو اور میرے کہنے پر چلو ‏	110
قَالُوا أَنُؤْمِنُ لَكَ وَاتَّبَعَكَ الْأَرْذَلُونَ وہ بولے کہ کیا ہم تم کو مان لیں اور تمہارے پیرو تو ذلیل لوگ ہوئے ہیں ‏	111
قَالَ وَمَا عِلْمِي بِمَا كَانُوا يَعْمَلُونَ (نوح نے) کہا مجھے کیا معلوم کہ وہ کیا کرتے ہیں؟ ‏	112
إِنْ حِسَابُهُمْ إِلَّا عَلَى رَبِّي ۖ ان کا حساب (اعمال) میرے پروردگار کے ذمے ہے لَوْ تَشْعُرُونَ کاش تم سمجھو ‏	113
وَمَا أَنَا بِطَارِدِ الْمُؤْمِنِينَ اور میں مومنوں کو نکال دینے والا نہیں ہوں ‏	114
إِنْ أَنَا إِلَّا نَذِيرٌ مُبِينٌ میں تو صرف کھول کھول کر نصیحت کرنے والا ہوں ‏	115
قَالُوا لَئِنْ لَمْ تَنْتَهِ يَا نُوحُ لَتَكُونَنَّ مِنَ الْمَرْجُومِينَ انہوں نے کہا کہ نوح اگر تم باز نہ آؤ گے تو سنگسار کر دئیے جاؤ گے ‏	116
قَالَ رَبِّ إِنَّ قَوْمِي كَذَّبُونِ نوح نے کہا کہ پروردگار میری قوم نے تو مجھے جھٹلا دیا ‏	117
فَافْتَحْ بَيْنِي وَبَيْنَهُمْ فَتْحًا سو تو میرے اور ان کے درمیان ایک کھلا فیصلہ کر دے وَنَجِّنِي وَمَنْ مَعِيَ مِنَ الْمُؤْمِنِينَ اور مجھے اور جو میرے ساتھ ہیں ان کو بچا لے ‏	118
فَأَنْجَيْنَاهُ وَمَنْ مَعَهُ فِي الْفُلْكِ الْمَشْحُونِ پس ہم نے ان کو اور جو ان کے ساتھ بڑھی ہوئی کشتی میں سوار تھے ان کو بچا لیا ‏	119
ثُمَّ أَغْرَقْنَا بَعْدُ الْبَاقِينَ پھر اس کے بعد باقی لوگوں کو ڈبو دیا ‏	120
إِنَّ فِي ذَلِكَ لَآيَةً ۖ بےشک اس میں نشانی ہے وَمَا كَانَ أَكْثَرُهُمْ مُؤْمِنِينَ اور ان میں اکثر ایمان لانے والے نہیں تھے ‏	121
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب (اور) مہربان ہے ‏	122
كَذَّبَتْ عَادٌ الْمُرْسَلِينَ عاد نے بھی پیغمبروں کو جھٹلایا ‏	123
إِذْ قَالَ لَهُمْ أَخُوهُمْ هُودٌ أَلَا تَتَّقُونَ جب ان سے انکے بھائی ہود نے کہا کیا تم ڈرتے نہیں؟ ‏	124
إِنِّي لَكُمْ رَسُولٌ أَمِينٌ میں تو تمہارا امانتدار پیغمبر ہوں ‏	125
فَاتَّقُوا اللَّهَ وَأَطِيعُونِ تو خدا سے ڈرو اور میرا کہا مانو ‏	126
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ اور میں اس کا تم سے کچھ بدلہ نہیں مانگتا میرا بدلہ (خدائے) رب العالمین کے ذمے ہے ‏	127
أَتَبْنُونَ بِكُلِّ رِيعٍ آيَةً تَعْبَثُونَ بھلا تم جو ہر اونچی جگہ پر نشان تعمیر کرتے ہو ‏	128
وَتَتَّخِذُونَ مَصَانِعَ لَعَلَّكُمْ تَخْلُدُونَ محل بناتے ہو شاید تم ہمیشہ رہو گے ‏	129
وَإِذَا بَطَشْتُمْ بَطَشْتُمْ جَبَّارِينَ اور جب تم (کسی کو) پکڑتے ہو تو ظالمانہ پکڑتے ہو ‏	130
فَاتَّقُوا اللَّهَ وَأَطِيعُونِ تو خدا سے ڈرو اور میری اطاعت کرو ‏	131
وَاتَّقُوا الَّذِي أَمَدَّكُمْ بِمَا تَعْلَمُونَ اور اس سے جس نے تم کو ان چیزوں میں مدد دی جن کو تم جانتے ہو ڈرو ‏	132
أَمَدَّكُمْ بِأَنْعَامٍ وَبَنِينَ اس نے تمہیں چارپایوں اور بیٹوں سے مدد دی	133
وَجَنَّاتٍ وَعُيُونٍ اور باغوں اور چشموں سے ‏	134
إِنِّي أَخَافُ عَلَيْكُمْ عَذَابَ يَوْمٍ عَظِيمٍ مجھ کو تمہارے بارے میں بڑے (سخت) دن کے عذاب کا خوف ہے ‏	135
قَالُوا سَوَاءٌ عَلَيْنَا أَوَعَظْتَ أَمْ لَمْ تَكُنْ مِنَ الْوَاعِظِينَ وہ کہنے لگے ہمیں خواہ نصیحت کرو یا نہ کرو ہمارے لئے یکساں ہے ‏	136
إِنْ هَذَا إِلَّا خُلُقُ الْأَوَّلِينَ یہ تو اگلوں ہی کے طریق ہیں ‏	137
وَمَا نَحْنُ بِمُعَذَّبِينَ اور ہم پر کوئی عذاب نہیں آئے گا ‏	138
فَكَذَّبُوهُ فَأَهْلَكْنَاهُمْ ۗ تو انہوں نے ہود کو جھٹلایا تو ہم نے انکو ہلاک کر ڈالا إِنَّ فِي ذَلِكَ لَآيَةً ۖ بےشک اس میں نشانی ہے وَمَا كَانَ أَكْثَرُهُمْ مُؤْمِنِينَ اور ان میں اکثر ایمان لانے والے نہیں تھے ‏	139
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب اور مہربان ہے ‏	140
كَذَّبَتْ ثَمُودُ الْمُرْسَلِينَ اور قوم ثمود نے بھی پیغمبروں کو جھٹلایا ‏	141
إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ جب ان کو ان کے بھائی صالح نے کہا تم ڈرتے کیوں نہیں؟ ‏	142
إِنِّي لَكُمْ رَسُولٌ أَمِينٌ میں تو تمہارا امانت دار پیغمبر ہوں ‏	143
فَاتَّقُوا اللَّهَ وَأَطِيعُونِ تو خدا سے ڈرو اور میرا کہا مانو ‏	144
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ اور میں اس کا تم سے بدلہ نہیں مانگتا میرا بدلہ (خدائے) رب العالمین کے ذمے ہے ‏	145
أَتُتْرَكُونَ فِي مَا هَاهُنَا آمِنِينَ کیا جو چیزیں (تمہیں یہاں میسر) ہیں ان میں تم بےخوف چھوڑ دئیے جاؤ گے؟ ‏	146
فِي جَنَّاتٍ وَعُيُونٍ (یعنی) باغ اور چشمے ‏	147
وَزُرُوعٍ وَنَخْلٍ طَلْعُهَا هَضِيمٌ اور کھیتیاں اور کھجوریں جن کے خوشے لطیف و نازک ہوتے ہیں ‏	148
وَتَنْحِتُونَ مِنَ الْجِبَالِ بُيُوتًا فَارِهِينَ اور تکلف سے پہاڑوں میں تراش تراش کر گھر بناتے ہو ‏	149
فَاتَّقُوا اللَّهَ وَأَطِيعُونِ سو خدا سے ڈرو اور میرے کہے پر چلو ‏	150
وَلَا تُطِيعُوا أَمْرَ الْمُسْرِفِينَ اور حد سے تجاوز کرنے والوں کی بات نہ مانو ‏	151
الَّذِينَ يُفْسِدُونَ فِي الْأَرْضِ وَلَا يُصْلِحُونَ جو ملک میں فساد کرتے ہیں اور اصلاح نہیں کرتے ‏	152
قَالُوا إِنَّمَا أَنْتَ مِنَ الْمُسَحَّرِينَ وہ کہنے لگے کہ تم تو جادو زدہ ہو ‏	153
مَا أَنْتَ إِلَّا بَشَرٌ مِثْلُنَ تم اور کچھ نہیں ہماری ہی طرح کے آدمی ہو فَأْتِ بِآيَةٍ إِنْ كُنْتَ مِنَ الصَّادِقِينَ اگر سچے ہو تو کوئی نشانی پیش کرو ‏	154
قَالَ هَذِهِ نَاقَةٌ لَهَا شِرْبٌ وَلَكُمْ شِرْبُ يَوْمٍ مَعْلُومٍ (صالح نے) کہا (دیکھو) یہ اونٹنی ہے (ایک دن) اسکی پانی پینے کی باری ہے اور ایک معین روز تمہاری باری	155
‏وَلَا تَمَسُّوهَا بِسُوءٍ اور اس کو کوئی تکلیف نہ دینا فَيَأْخُذَكُمْ عَذَابُ يَوْمٍ عَظِيمٍ (نہیں تو) تم کو سخت عذاب آ پکڑے گا ‏	156
فَعَقَرُوهَا فَأَصْبَحُوا نَادِمِينَ تو انہوں نے اس کی کونچیں کاٹ ڈالیں پھر نادم ہوئے ‏	157
فَأَخَذَهُمُ الْعَذَابُ ۗ سو ان کو عذاب نے آ پکڑا إِنَّ فِي ذَلِكَ لَآيَةً ۖ بےشک اس میں نشانی ہے وَمَا كَانَ أَكْثَرُهُمْ مُؤْمِنِينَ اور ان میں اکثر ایمان لانے والے نہیں تھے ‏	158
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب (اور) مہربان ہے ‏	159
كَذَّبَتْ قَوْمُ لُوطٍ الْمُرْسَلِينَ (اور قوم) لوط نے بھی پیغمبروں کو جھٹلایا ‏	160
إِذْ قَالَ لَهُمْ أَخُوهُمْ لُوطٌ أَلَا تَتَّقُونَ جب ان سے ان کے بھائی لوط نے کہا کہ تم کیوں نہیں ڈرتے؟ ‏	161
إِنِّي لَكُمْ رَسُولٌ أَمِينٌ میں تو تمہارا امانتدار پیغمبر ہوں ‏	162
فَاتَّقُوا اللَّهَ وَأَطِيعُونِ تو خدا سے ڈرو اور میرا کہا مانو ‏	163
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ اور میں تم سے اس (کام) کا بدلہ نہیں مانگتا میرا بدلہ (خدائے) رب العالمین کے ذمے ہے ‏	164
أَتَأْتُونَ الذُّكْرَانَ مِنَ الْعَالَمِينَ کیا تم اہل عالم میں سے لڑکوں پر مائل ہوتے ہو؟ ‏	165
وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ ۚ اور تمہارے پروردگار نے جو تمہارے لئے تمہاری بیویاں پیدا کی ہیں انکو چھوڑ دیتے ہو؟ ‏ بَلْ أَنْتُمْ قَوْمٌ عَادُونَ حقیقت یہ ہے کہ تم حدسےنکل جانے وا لے ہو ‏	166
قَالُوا لَئِنْ لَمْ تَنْتَهِ يَا لُوطُ لَتَكُونَنَّ مِنَ الْمُخْرَجِينَ وہ کہنے لگے کہ لوط اگر تم باز نہ آؤ گے تو شہر بدر کر دئیے جاؤ گے ‏	167
قَالَ إِنِّي لِعَمَلِكُمْ مِنَ الْقَالِينَ لوط نے کہا میں تمہارے کام کا سخت بیزار ہوں ‏	168
رَبِّ نَجِّنِي وَأَهْلِي مِمَّا يَعْمَلُونَ اے میرے پروردگار مجھ کو اور میرے گھر والوں کو انکے کاموں (کے وبال سے) نجات دے ‏	169
فَنَجَّيْنَاهُ وَأَهْلَهُ أَجْمَعِينَ سو ہم نے ان کو اور ان کے سب گھر والوں کو نجات دی ‏	170
إِلَّا عَجُوزًا فِي الْغَابِرِينَ ‏ مگر ایک بڑھیا پیچھے رہ گئی ‏	171
ثُمَّ دَمَّرْنَا الْآخَرِينَ پھر ہم نے اوروں کو ہلاک کر دیا ‏	172
وَأَمْطَرْنَا عَلَيْهِمْ مَطَرًا ۖ اور ان پر مینہ برسایا سو جو مینہ ان (لوگوں) پر (برسا) فَسَاءَ مَطَرُ الْمُنْذَرِينَ جو ڈرائے گئے تھے وہ برا تھا ‏	173
إِنَّ فِي ذَلِكَ لَآيَةً ۖ بے شک اس میں نشانی ہے وَمَا كَانَ أَكْثَرُهُمْ مُؤْمِنِينَ اور ان میں اکثر ایمان لانے والے نہیں تھے ‏	174
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب (اور) مہربان ہے ‏	175
كَذَّبَ أَصْحَابُ الْأَيْكَةِ الْمُرْسَلِينَ اور بن کے رہنے والوں نے بھی پیغمبروں کو جھٹلایا ‏	176
إِذْ قَالَ لَهُمْ شُعَيْبٌ أَلَا تَتَّقُونَ جب ان سے شعیب نے کہا کہ تم ڈرتے کیوں نہیں؟ ‏	177
إِنِّي لَكُمْ رَسُولٌ أَمِينٌ میں تو تمہارا امانتدار پیغمبر ہوں ‏	178
فَاتَّقُوا اللَّهَ وَأَطِيعُونِ تو خدا سے ڈرو اور میرا کہا مانو ‏	179
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ اور میں اس (کام) کا تم سے کچھ بدلہ نہیں مانگتا میرا بدلہ تو (خدائے) رب العالمین کے ذمے ہے ‏	180
أَوْفُوا الْكَيْلَ وَلَا تَكُونُوا مِنَ الْمُخْسِرِينَ (دیکھو) پیمانہ پورا بھرا کرو اور نقصان نہ کیا کرو ‏	181
وَزِنُوا بِالْقِسْطَاسِ الْمُسْتَقِيمِ اور ترازو سیدھی رکھ کر تولا کرو ‏	182
وَلَا تَبْخَسُوا النَّاسَ أَشْيَاءَهُمْ اور لوگوں کو ان کی چیزیں کم نہ دیا کرو وَلَا تَعْثَوْا فِي الْأَرْضِ مُفْسِدِينَ اور ملک میں فساد نہ کرتے پھرو ‏	183
وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ اور اس سے ڈرو جس نے تم کو اور تم سے پہلی خلقت کو پیدا کیا ‏	184
قَالُوا إِنَّمَا أَنْتَ مِنَ الْمُسَحَّرِينَ وہ کہنے لگے کہ تم جادو زدہ ہو ‏	185
وَمَا أَنْتَ إِلَّا بَشَرٌ مِثْلُنَا اور تم اور کچھ نہیں ہم ہی جیسے آدمی ہو وَإِنْ نَظُنُّكَ لَمِنَ الْكَاذِبِينَ اور ہمارا خیال ہے کہ تم جھوٹے ہو ‏	186
فَأَسْقِطْ عَلَيْنَا كِسَفًا مِنَ السَّمَاءِ إِنْ كُنْتَ مِنَ الصَّادِقِينَ اگر سچے ہو تو ہم پر آسمان سے ایک ٹکڑا لا گراؤ ‏	187
قَالَ رَبِّي أَعْلَمُ بِمَا تَعْمَلُونَ (شعیب نے) کہا کام جو تم کرتے ہو میرا پروردگار اس سے خوب واقف ہے ‏	188
فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ تو ان لوگوں نے ان کو جھٹلایا پس سائبان کے عذاب نے ان کو آپکڑا إِنَّهُ كَانَ عَذَابَ يَوْمٍ عَظِيمٍ بیشک وہ بڑے (سخت) دن کا عذاب تھا ‏	189
إِنَّ فِي ذَلِكَ لَآيَةً ۖ اس میں یقینا نشانی ہے وَمَا كَانَ أَكْثَرُهُمْ مُؤْمِنِينَ اور ان میں اکثر ایمان لانے والے نہیں تھے ‏	190
وَإِنَّ رَبَّكَ لَهُوَ الْعَزِيزُ الرَّحِيمُ اور تمہارا پروردگار تو غالب (اور) مہربان ہے ‏	191
وَإِنَّهُ لَتَنْزِيلُ رَبِّ الْعَالَمِينَ اور یہ (قرآن خدائے) پروردگار عالم کا اتارا ہوا ہے ‏	192
نَزَلَ بِهِ الرُّوحُ الْأَمِينُ اس کو امانتدار فرشتہ لیکر اترا ہے ‏	193
عَلَى قَلْبِكَ لِتَكُونَ مِنَ الْمُنْذِرِينَ (یعنی اس نے) تمہارے دل پر (الق) کیا ہے تاکہ (لوگوں کو) نصیحت کرتے رہو ‏	194
بِلِسَانٍ عَرَبِيٍّ مُبِينٍ (اور القا بھی) فصیح عربی زبان میں (کیا ہے) ‏	195
وَإِنَّهُ لَفِي زُبُرِ الْأَوَّلِينَ اس کی خبر پہلے پیغمبروں کی کتابوں میں (لکھی ہوئی) ہے ‏	196
أَوَلَمْ يَكُنْ لَهُمْ آيَةً أَنْ يَعْلَمَهُ عُلَمَاءُ بَنِي إِسْرَائِيلَ کیا ان کے لئے یہ سند نہیں ہے کہ علمائے بنی اسرائیل اس (بات) کو جانتے ہیں؟ ‏	197
وَلَوْ نَزَّلْنَاهُ عَلَى بَعْضِ الْأَعْجَمِينَ اور اگر ہم اس کو کسی غیر اہل زبان پر اتارتے ‏	198
فَقَرَأَهُ عَلَيْهِمْ مَا كَانُوا بِهِ مُؤْمِنِينَ اور وہ اسے ان (لوگوں) کو پڑھ کر سناتا تو یہ اسے (کبھی) نہ مانتے ‏	199
كَذَلِكَ سَلَكْنَاهُ فِي قُلُوبِ الْمُجْرِمِينَ اسی طرح ہم نے انکار کو گنہگاروں کے دلوں میں داخل کر دیا ‏	200
لَا يُؤْمِنُونَ بِهِ حَتَّى يَرَوُا الْعَذَابَ الْأَلِيمَ وہ جب تک درد دینے والا عذاب نہ دیکھ لیں اس کو نہیں مانیں گے ‏	201
فَيَأْتِيَهُمْ بَغْتَةً وَهُمْ لَا يَشْعُرُونَ وہ ان پر ناگہاں آ واقع ہوگا اور ان کو خبر بھی نہ ہوگی ‏	202
فَيَقُولُوا هَلْ نَحْنُ مُنْظَرُونَ اس وقت کہیں گے کیا ہمیں مہلت ملے گی؟ ‏	203
أَفَبِعَذَابِنَا يَسْتَعْجِلُونَ تو کیا یہ ہمارے عذاب کو جلدی طلب کر رہے ہیں؟ ‏	204
أَفَرَأَيْتَ إِنْ مَتَّعْنَاهُمْ سِنِينَ بھلا دیکھو تو اگر ہم ان کو برسوں فائدے دیتے رہے ‏	205
ثُمَّ جَاءَهُمْ مَا كَانُوا يُوعَدُونَ پھر ان پر وہ (عذاب) آ واقع ہو جس کا ان سے وعدہ کیا جاتا ہے ‏	206
مَا أَغْنَى عَنْهُمْ مَا كَانُوا يُمَتَّعُونَ تو جو فائدے یہ اٹھاتے رہے ہیں ان کے کس کام آئیں گے؟ ‏	207
وَمَا أَهْلَكْنَا مِنْ قَرْيَةٍ إِلَّا لَهَا مُنْذِرُونَ اور ہم نے کوئی بستی ہلاک نہیں کی مگر اس کے لئے نصیحت کرنے والے (پہلے بھیج دیتے) تھے ‏	208
ذِكْرَى وَمَا كُنَّا ظَالِمِينَ تاکہ نصیحت کر دیں اور ہم ظالم نہیں ہیں ‏	209
وَمَا تَنَزَّلَتْ بِهِ الشَّيَاطِينُ اور اس (قرآن) کو شیطان لے کر نازل نہیں ہوئے ‏	210
وَمَا يَنْبَغِي لَهُمْ وَمَا يَسْتَطِيعُونَ یہ کام نہ تو ان کو سزاوار ہے اور نہ وہ اسکی طاقت رکھتے ہیں ‏	211
إِنَّهُمْ عَنِ السَّمْعِ لَمَعْزُولُونَ وہ (آسمانی باتوں کے) سننے (کے مقامات سے) الگ کر دئیے گئے ہیں ‏	212
فَلَا تَدْعُ مَعَ اللَّهِ إِلَهًا آخَرَ فَتَكُونَ مِنَ الْمُعَذَّبِينَ تو خدا کے سوا کسی اور معبود کو مت پکارنا ورنہ تم کو عذاب دیا جائے گا ‏	213
وَأَنْذِرْ عَشِيرَتَكَ الْأَقْرَبِينَ اور اپنے قریب کے رشتہ داروں کو ڈر سناؤ ‏	214
وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ اور جو مومن تمہارے پیرو ہوگئے ہیں ان سے بتواضع پیش آؤ ‏	215
فَإِنْ عَصَوْكَ فَقُلْ إِنِّي بَرِيءٌ مِمَّا تَعْمَلُونَ پھر اگر لوگ تمہاری نافرمانی کریں تو کہہ دو کہ میں تمہارے اعمال سے بےتعلق ہوں ‏	216
وَتَوَكَّلْ عَلَى الْعَزِيزِ الرَّحِيمِ اور (خدائے) غالب اور مہربان پر بھروسہ رکھو ‏	217
الَّذِي يَرَاكَ حِينَ تَقُومُ جو تم کو جب تم (تہجد) کے وقت اٹھتے ہو دیکھتا ہے ‏	218
وَتَقَلُّبَكَ فِي السَّاجِدِينَ اور نمازیوں میں تمہارے پھرنے کو بھی ‏	219
إِنَّهُ هُوَ السَّمِيعُ الْعَلِيمُ وہ بیشک سننے والا اور جاننے والا ہے ‏	220
هَلْ أُنَبِّئُكُمْ عَلَى مَنْ تَنَزَّلُ الشَّيَاطِينُ (اچھا) میں تمہیں بتاؤں کہ شیطان کس پر اترتے ہیں؟ ‏	221
تَنَزَّلُ عَلَى كُلِّ أَفَّاكٍ أَثِيمٍ ہر جھوٹے گنہگار پر اترتے ہیں ‏	222
يُلْقُونَ السَّمْعَ وَأَكْثَرُهُمْ كَاذِبُونَ جو سنی ہوئی بات (اس کے کان میں) لا ڈالتے ہیں اور وہ اکثر جھوٹے ہیں ‏	223
وَالشُّعَرَاءُ يَتَّبِعُهُمُ الْغَاوُونَ اور شاعروں کی پیروی گمراہ لوگ کیا کرتے ہیں ‏	224
أَلَمْ تَرَ أَنَّهُمْ فِي كُلِّ وَادٍ يَهِيمُونَ کیا تم نے نہیں دیکھا کہ وہ ہر وادی میں سر مارتے پھرتے ہیں ‏	225
وَأَنَّهُمْ يَقُولُونَ مَا لَا يَفْعَلُونَ اور کہتے وہ ہیں جو کرتے نہیں ‏	226
إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا مگر جو لوگ ایمان لائے اور نیک کام کئے اور خدا کو بہت یاد کرتے رہے وَانْتَصَرُوا مِنْ بَعْدِ مَا ظُلِمُوا ۗ اور اپنے اوپر ظلم ہونے کے بعد انتقام لیا وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ اور ظالم عنقریب جان لیں گے کہ کون سی جگہ لوٹ کر جاتے ہیں ‏ ***********	227

© Copy Rights:

Zahid Javed Rana, Abid Javed Rana,

Lahore, Pakistan

Visits wef Apr 2024