Quran Arabic with Urdu Translation

Surah Al A'la

Translation by Fateh Muhammad Jalundhari

• Previous
• Index
• Next

سَبِّحِ اسْمَ رَبِّكَ الْأَعْلَى

(اے پیغمبر صلی اللہ علیہ وسلم)

اپنے پروردگار جلیل الشان کے نام کی تسبیح کرو ‏

الَّذِي خَلَقَ فَسَوَّى

جس نے (انسان کو) بنایا پھر (اسکے اعضاء کو) درست کیا ‏

وَالَّذِي قَدَّرَ فَهَدَى

اور جس نے اس کا اندازہ ٹھیرایا (پھر اسکو) راستہ بتایا

وَالَّذِي أَخْرَجَ الْمَرْعَى

اور جس نے چارہ اگایا ‏

فَجَعَلَهُ غُثَاءً أَحْوَى

پھر اس کو سیاہ رنگ کا کوڑا کر دیا ‏

سَنُقْرِئُكَ فَلَا تَنْسَى

ہم تمہیں پڑھائیں گے کہ تم فراموش نہ کر سکو گے ‏‏

إِلَّا مَا شَاءَ اللَّهُ ۚ

مگر جو خدا چاہے

إِنَّهُ يَعْلَمُ الْجَهْرَ وَمَا يَخْفَى

وہ کھلی بات کو بھی جانتا ہے اور چھپی کو بھی ‏‏

وَنُيَسِّرُكَ لِلْيُسْرَى

ہم تم کو آسان طریقے کی توفیق دیں گے ‏‏

فَذَكِّرْ إِنْ نَفَعَتِ الذِّكْرَى

سو جہاں تک نصحیت کے نافع (ہونے کی امید) ہو نصحیت کرتے رہو

سَيَذَّكَّرُ مَنْ يَخْشَى  

جو خوف رکھتا ہے وہ تو نصیحت پکڑے گا ‏‏

وَيَتَجَنَّبُهَا الْأَشْقَى

اور (بے خوف) بد بخت پہلو تہی کرے گا ‏‏

الَّذِي يَصْلَى النَّارَ الْكُبْرَى

جو (قیامت کو) بڑی (تیز) آگ میں داخل ہوگا ‏

ثُمَّ لَا يَمُوتُ فِيهَا وَلَا يَحْيَى

پھر وہاں نہ مرے گا اور نہ جئے گا

قَدْ أَفْلَحَ مَنْ تَزَكَّى

بے شک وہ مراد کو پہنچ گیا جو پاک ہوا ‏‏

وَذَكَرَ اسْمَ رَبِّهِ فَصَلَّى

اور اپنے پروردگار کے نام کا ذکر کرتا رہا اور نماز پڑھتا رہا ‏‏

بَلْ تُؤْثِرُونَ الْحَيَاةَ الدُّنْيَا

مگر تم لوگ دنیا کی زندگی کو اختیار کرتے ہو ‏‏

وَالْآخِرَةُ خَيْرٌ وَأَبْقَى

حالانکہ آخرت بہت بہتر اور پائندہ تر ہے ‏

إِنَّ هَذَا لَفِي الصُّحُفِ الْأُولَى

یہی بات پہلے صحیفوں میں (مرقوم) ہے ‏

صُحُفِ إِبْرَاهِيمَ وَمُوسَى

(یعنی) ابراہیم اور موسیٰ کے صحیفوں میں ‏ ‏

***********

Visits wef Apr 2024